Амралтын өдрүүдээр ХААНА, ЮУ болох вэ?

Сурагчдын II улирлын амралт эхлээд удаагүй байгаа энэ үед амралтын өдрүүдээр та бүхэн юу хийхээ хараахан төлөвлөөгүй бол энэхүү мэдээлэлтэй танилцаарай.

Жич: Өсвөр үеийнхэн, залуус оролцох боломжтойг түүвэрлэв.

-АЯЛАЛ-

ЦЭЦЭЭ ГҮН АЛХАЛТ

Хэзээ: 2017.01.08-ны 09:00-18:00 цагт
Хаана: Цэцээ гүн
Дэлгэрэнгүй: Амралтын өдрийн алхалт Богд хан уулын оргил Цэцээ гүн рүү аялах алхалтыг зохион байгуулж байна. Цэвэр цэнгэг агаарт , өөрийн эрүүл мэнддээ хөрөнгө оруулалт хийж хамтдаа алхацгаая. 

Аялалд оролцсоноор: 

- Байгалийн сайханд цэвэр агаарт нэг өдрийг өнгөрүүлэх 
- Ой мод ууланд авхуулсан олон сайхан зурагтай болно 
- Хөгжөөнт тоглоом, хөгтэй яриа өрнүүлцгээнэ.
- Хамгийн гол нь та эрүүл мэнддээ хийж буй том хөрөнгө оруулалт байх болно. 

Хөтөлбөр: 

09:00 - Улсын Драмын Эрдмийн театрын урд талбайд цуглаж аялагчдаа бүртгээд нэгдсэн журмаар аялалдаа гарна. 
09:00-10.30 - Төв аймаг Зуунмод хот Манзуширын хийдийн зогсоолд очино. 
10.30- 11:00 - Цэцээ гүн оргил руу Алхалтаа эхлэнэ. 
11:00-13:30 - Байгалийн үзэсгэлэнт уул, модон дунд алхалтаа хийсээр оройд гарна. 
13:30 - 14.00 Оргилд очиж зургаа даруулна. Уул овоондоо сүслэнэ. Өөрсдийн бэлтгэсэн цай, хоолоо иднэ. 
14:00 - 16.00 Уулнаас бууна. 
16:20 - 18:00 УБ хотод ирнэ.

Дэлгэрэнгүй мэдээллийг 95881082 утаснаас лавлана уу.
Тасалбар: 10000₮

-ҮЗВЭР-

Ж.РОССИНИ "СЕВИЛИЙН ҮСЧИН" ДУУРЬ

Хэзээ: 2017.01.07-ны 17:00 цагт
Хаана: Улсын Дуурь Бүжгийн Эрдмийн Театр
Дэлгэрэнгүй: УДБЭТ-ын хамт олон тоглолтын шинэ улирлынхаа эхэнд үзэгч та бүхэндээ өвөрмөц, гайхалтай нэгэн бэлгийг бэлтгэлээ. Дэлхийн хамгийн алдартай хошин дууриудын нэг болох Ж.Россиний "Севилийн үсчин" дуурийг Итали улсын нэрт найруулагч Стефано Монтигийн цоо шинэ тавилтаар үзэгч та бүхэндээ хүргэх болно. Энэ алдарт бүтээл хэдийгээр 200-аад жилийн өмнө зохиогдсон боловч, бид энэ удаа дуурийн үйл явдлыг бүтэн зуунаар наашлуулан, дэлхийн эдийн засаг, соёлын хөгжлийн үсрэлтийн зуун болох 19-р зуунд болгон хөрвүүлэн тавьж байна. Дуурийн шинэ шийдэл, өвөрмөц тайз, гоёмсог хувцсыг үзэгч та өөрийн биеэр театрт ирж үзэж мэдрээрэй. Сонирхолтой тавилт, шинэ дуучдын маань содон тоглолт, тайзнаа өрнөх үйл явдлыг үзэгч танд зориулан нууцлан үлдээе.

УДБЭТ-ын уг шинэ бүтээлийн удирдлагын багт Уран сайхны удирдагч АЖ А.Дашпэлжээ, найруулагч С.Монти, удирдаач СТА Ц.Гансүх, ерөнхий зураач УГЗ Г.Ганбаатар, хувцасны зураач СТА Г.Оюун, хормейстер СТА Н.Дашбямба, туслах найруулагч Д.Энхбилэг, итали хэлний дасгалжуулагч багшаар МУГЖ Б.Эрдэнэтуяа нар ажиллаж байна.

"Севилийн үсчин" дуурийг дэлхийд анх 1816 онд "Аржентина" театрт тогложээ. 200 гаруй жил тайзнаа амьдарсан уг дуурь дэлхийн олон театрт өөр өөр найруулга, өнгө төрхтэйгөөр үзэгч олонд хүрч хамгийн их тоглодог дуурийн жагсаалтын тэргүүн эгнээнд амьдарсаар байна.
Тасалбар: 10000-30000₮

-КИНО-

СОЛИОТ ЭХ МУСК

INSIDIOUS: СҮҮЛЧИЙН ТҮЛХҮҮР

ПАДДИНГТОН 2

ЖУМАНЖИ: ШИРЭНГЭД ТАВТАЙ МОРИЛ

-ТӨВ-

Энэ удаад YOLO.mn "ОНЬС ROOM" төвийг онцоллоо. Найзууд, ангийнхантайгаа очоод оюун ухаанаа сорьж нэгэн өдрийг өнгөрүүлэх боломжтой газар бол Oньс төв юм. 

Та ойр зуурын хэрэгслүүдийг янз бүрийн байдлаар ашиглаж, элдэв таавар тааж, оньсыг тайлан 60 минутын дотор багтан өрөөнөөс гарах компьютерийн тоглоомыг төсөөл дөө. Энэ бүгдийг та компьютер дээр, хийсвэрээр биш, яг тухайн өгөгдсөн цагт, бодитоор тоглоно гэсэн үг. Тоглоомонд хожоод, өрөөнөөс гараад ирвэл, бас цагтаа багтаж даалгавраа биелүүлж чадахгүй өрөөндөө түгжээтэй хэвээр үлдвэл хийсвэрээр тоглосноос хавьгүй илүү сэтгэл хангалуун үлдэнэ, бас илүү их хор шар хөдөлнө. Та хожигдлоо ч таныг тэнд нь түгжээд үлдээчихгүй л дээ. Гэхдээ та тоглоомонд хожигдчихлоо гэж үнэн сэтгэлээсээ гонсойно.

Илүү дэлгэрэнгүй мэдээллийг Onis Room хуудсаас аваарай.